Зөвлөлийн ээлжит II хуралдаан зохион байгуулагдлаа.
Хуралдаанаар дараах байгууллагуудын үйл ажиллагааны талаарх мэдээллийг сонсож, тулгамдаж буй асуудал, цаашид хэрэгжүүлэх арга хэмжээний талаар санал солилцлоо. Үүнд:
• Ерөнхий боловсролын сургуулийн үйл ажиллагааны мэдээлэл
• Сургуулийн өмнөх боловсролын байгууллагын үйл ажиллагааны мэдээлэл
• Эрүүл мэндийн төвийн үйл ажиллагааны талаарх мэдээлэл
• Соёлын төвийн үйл ажиллагааны талаарх мэдээлэл
• “Тохижилт үйлчилгээ” ОНӨААТҮГ-ын үйл ажиллагааны талаарх мэдээлэл
• Баян-Өлзийт, Энхтал багийн Иргэдийн Нийтийн Хурлын үйл ажиллагааны мэдээлэл
#Онцлох_асуудлын_хүрээнд Эрүүл мэндийн төвийн үйл ажиллагаа, тулгамдаж буй нөхцөл байдалд онцгойлон анхаарч, цаашид тухайн байгууллагад газар дээр нь ажиллан нөхцөл байдалтай дахин танилцахаар боллоо.
Мөн ахмадын софт волейболын клубын төлөөллөөс гаргасан санал, хүсэлтийг Соёлын төвийн удирдлагад уламжилж, хамтын ажиллагааны хүрээнд судлан шийдвэрлэх талаар санал солилцлоо.
