ММНБИ-ээс “Мэргэжлийн тасралтгүй хөгжил-2023” сургалт зөвлөгөөнийг “MonICPA Leadership Academy” хөтөлбөрийн хүрээнд энэ сард бүсчилсэн байдлаар зохион байгуулж байна.

Дархан-Уул аймагт Гамшгаас хамгаалах иж бүрэн сургууль 5 өдрийн туршид амжилттай зохион байгуулагдлаа.

Монгол Улсын Шадар сайдтай Дархан-Уул аймгийн Засаг даргын байгуулсан гэрээний хэрэгжилтийг хангуулах хүрээнд Онцгой байдлын ерөнхий газраас манай аймагт Гамшгаас хамгаалах иж бүрэн сургуулийг энэ сарын 13-17-ны өдрүүдэд зохион байгууллаа.

Дархан-Уул аймагт энэ сарын 13-17-ны өдрүүдэд зохион байгуулагдсан “Гамшгаас хамгаалах иж бүрэн сургууль”-ийн хүрээнд явагдсан Мэргэжлийн ангийн тактикийн үзүүлэх сургуульд аймгийн гамшгаас хамгаалах алба, мэргэжлийн ангийн томилгоот бүрэлдэхүүн, хуулийн этгээдийн нийт 154 ажилтан, алба хаагч, 16 техник, хэрэгсэлтэйгээр оролцож, байгууллага хоорондын уялдаа холбоог хангалаа.

“Гамшгаас хамгаалах иж бүрэн сургууль”-ийн хүрээнд Хээрийн хүн эмнэлэг дэлгэх дадлага сургуулийг зохион байгуулж 13 майхан, асарт 20 ор дэлгэж, 28 нэр төрлийн 564 эм, эмнэлгийн хэрэгсэлтэйгээр 75 эмч, эмнэлгийн ажилтнууд 17 өвчтөнд эмчилгээ, үйлчилгээ үзүүлэх дадлага хийлээ.

Дархан хотын тохижилт үйлчилгээний газар ОНӨААТҮГ-аас 7 хоног бүр ариутгалыг хийх тул, иргэд хог хаягдлаа зориулалтын савны гадна хаяхгүй соёлтой байхыг анхааруулж байна.

Дархан-Уул аймагт зохион байгуулж байгаа Гамшгаас хамгаалах иж бүрэн сургуулийн хүрээнд хээрийн мал эмнэлгийг дэлгэх дадлагыг хийлээ.

ДАРХАНЧУУД ГАМШГААС ХАМГААЛАХ ИЖ БҮРЭН СУРГУУЛЬД ИДЭВХТЭЙ ОРОЛЦЛОО

Дархан -Уул аймгийн хэмжээнд 1172 сурагч ЕБС төгсөж, үүн дээр өнгөрсөн оны 100 гаруй төгсөгч нэмэлтээр элсэлтийн ерөнхий шалгалт өгч байна. Аймгийн Засаг дарга Б.Азжаргал шалгалтын явцтай танилцаж сурагчдад амжилт хүслээ.

2023.06.15-2023.06.18 өдрүүдэд Дархан-Уул аймгийн хэмжээнд өндөржүүлсэн бэлэн байдал зарлаж Гамшгийн иж бүрэн сургуулийг зохион байгуулж байна.

6-р сарын 16-ны Баасан гаригийн 16:00 цагт зарлагдсан Гамшиг ослын үеийн дуут дохиог тухайн өдрийн 19:00 цагт болгон өөрчилсөн болохыг мэдэгдье.

Онцгой байдлын ерөнхий газраас Дархан-Уул аймагт зохион байгуулж байгаа Гамшгаас хамгаалах иж бүрэн сургууль өнөөдөр 07:00 цагт “Яаралтай цуглар” зарлан мэдээллийн дуут дохиогоор эхэллээ.

Дархан-Уул аймагт Гамшгаас хамгаалах иж бүрэн сургууль зохион байгуулагдахтай холбогдуулан аймгийн хэмжээнд 2023 оны 06 дугаар сарын 15-ны өдрийн 06:00 цагаас 06 дугаар сарын 17-ны өдрийн 20:00 цаг хүртэлх хугацаанд өндөржүүлсэн бэлэн байдал зарлалаа.

Энэ жилийн ЭЕШ маргааш буюу 6 сарын 15-ны өглөө 10 цагаас эхэлж 4 хоног үргэлжилнэ.

Энэ оны 3 сарын 7-9ны өдрүүдэд Бельги улсын Бруселл хотод болсон Тогтвортой хотуудын түншлэлийн дэлхийн анхдугаар хуралдаанд манай аймаг “Найрамдал” төслийг төлөөлөн оролцох үеэр Аймгийн Засаг даргын орлогч Б.Жавхлан Хотын захирагч нарын дэлхийн хэлэлцээрт нэгдэх саналыг тавьсан. Энэ санал санаачилга өнөөдөр ажил хэрэг болох анхны алхамаа хийлээ. Өнгөрсөн 6-р сарын 12нд Дархан хотын удирдлагууд, Найрамдал төслийн төлөөллүүд Хотын захирагч нарын дэлхийн хэлэлцээрийн зохицуулах захирал Пьер Роберто Ремитти болон ажлын албаныхантай анхны зөвлөлдөх уулзалтыг хийлээ.

Ойрын өдрүүдэд говь болон зүүн аймгуудын нутгаар 30 градусыг давж халж, нутгийн зарим газраар дуу цахилгаантай аадар бороо орох тул болзошгүй наршилт, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.

Гамшгаас хамгаалах иж бүрэн сургуулийн хүрээнд явагдаж буй удирдах бүрэлдэхүүний танхимын сургалт 2 дахь өдрөө үргэлжилж байна.

ЗАРЛАН МЭДЭЭЛЛИЙН 📣СИРЕНЬ ДОХИО” 2023 ОНЫ 06 ДУГААР САРЫН 16-НЫ ӨДРИЙН 16:00 ЦАГТ ДУУГАРНА.

МУЗГ-ын 2020-2024 оны үйл ажиллагааны хөтөлбөрт тусгагдсан заалтын дагуу иргэд, сүм хийдэд хадгалагдаж байгаа баримтат өвийг бүртгэлд хамруулах ажлын хүрээнд Хонгор сумын Эрхэт багийн иргэн Ч.Хишигбалд өвөө Дэндэвийн Товуудоржоос /1875-1968/ өвлөгдөн ирсэн 22 судар бичгийг Хараагийн Дарь эхийн Гэцогдаржайлин хийдийн хамба лам Ж.Мөнхсүх, Д.Баасанжаргал, Дархан-Уул аймгийн Соёл, урлагийн газарын соёлын өвийн асуудал хариуцсан мэргэжилтэн, аймгийн Музейн бүртгэл мэдээллийн санч, эрдэм шинжилгээний ажилтан нарын бүрэлдэхүүнтэйгээр бүртгэн баримтжууллаа. Д.Товуудорж нь Ардын засгаас өмнө "Богд Хааны ордон"-ны хаалгач хийж байжээ.

УДИРДАХ БҮРЭЛДЭХҮҮНИЙ ТАНХИМЫН СУРГАЛТЫГ ДАРХАН-УУЛ АЙМАГТ ЗОХИОН БАЙГУУЛЖ БАЙНА.