Аймгийн ИТХ-ын 17-р ээлжит хуралдаанаар аймгийн 2023 оны төсвийн тодотголын талаар олон асуудлуудыг хэлэлцсэн. Энэ дундаас онцлох асуудал болох төрийн албан хаагчдын цалинг орон нутгаас нэмэгдүүлэх асуудлыг өчигдөр хэлэлцэж баталлаа.

Сүүлийн үед үргэлжилсэн усархаг бороо орж байгаатай холбогдуулан аймгийн Засаг дарга, АОК-ын дарга Б.Азжаргал ОБГ, ЗАА зэрэг холбогдох байгууллагуудын удирдлага, албан хаагчдын хамт Дархан хотын үерийн байгууламжуудын бэлтгэл бэлэн байдлыг шалгалаа.

Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн шинэчилсэн найруулгын 22 дугаар зүйлийн 22.2 дахь заалтыг үндэслэн “Сар бүрийн 17-ны өдрийг согтууруулах ундаа худалддаггүй, түүгээр үйлчилдэггүй өдөр болгох тухай” аймгийн Засаг даргын захирамж гаргахтай холбоотой сонсох ажиллагааг зохион байгуулж ААНБ, хувийн хэвшлийн төлөөллүүд оролцож өөрсдийн саналаа илэрхийллээ.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 17 дугаар хуралдаанаар /2023.07.05/ аймгийн ИТХ-ын дэргэдэх Иргэний Зөвлөлд ажиллах иргэдийг шалгаруулах цахим санал хураалтын дүнтэй танилцаж, хамгийн их санал авсан нэр дэвшигчдийн бүрэлдэхүүнтэйгээр Иргэний зөвлөлийг байгууллаа.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 17 дугаар хуралдаанд /2023.07.05/ Орон нутгийн өмчийн газраас Үндсэн хөрөнгө бүртгэх, зөвшөөрөл олгох тухай, Орон нутгийн өмчийн эд хөрөнгийн түрээсийн хэмжээг батлах тухай асуудлуудыг танилцууллаа.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 17 дугаар хуралдаанаар /2023.07.05/ “Түгээмэл тархацтай ашигт малтмал ашиглах газрын байршил, борлуулалтын үнэлгээ тогтоох тухай” асуудлыг хэлэлцлээ.

Аймгийн ИТХ-ын даргыгн 2023 оны 06 дугаар сарын 26-ны өдрийн А/12 дугаар захирамжаар аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 17 дугаар хуралдааныг хуралдуулж байгаа бөгөөд өнөөдөр /2023.07.05/ 09 цагт 72.7 хувийн ирцтэйгээр эхэллээ.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 17 дугаар хуралдаанаар /2023.07.05/ "Дархан –Уул аймгийн нутаг дэвсгэрт согтууруулах ундаа худалдах, түүгээр үйлчлэх тусгай зөвшөөрөл олгох журам"-ын тогтоолыг хүчингүй болголоо.

Сонсох ажиллагааг 2023 оны 07 дугаар сарын 06-ны өдрийн 11 цагт аймгийн Засаг даргын Тамгын газрын хурлын зааланд зохион байгуулна.

Уул уурхай хүнд үйлдвэрийн яам, Монголын уул уурхайн үндэсний ассоциаци, Дархан-Уул аймгийн ЗДТГ-тай хамтран Дархан, Сэлэнгэ, Төв, Говьсүмбэр зэрэг "Төвийн бүсийн аймгуудын олборлох салбарын ил тод байдлын чуулга уулзалт"-ыг 7 сарын 4,5-ны өдрүүдэд Дархан хотноо зохион байгуулж байна.

Дархан-Уул аймгийн Засаг дарга Б.Азжаргал болон албаны бусад хүмүүс өнөөдөр /2023.07.04/ Европын Сэргээн босголт, Хөгжлийн банкны Дэд Ерөнхийлөгч Аннемари Страатхоф, тус банкны Төв Азийн бүсийн захирал Сюзана Харгитай, Монгол дахь суурин төлөөлөгч Ханнес Такач нарыг хүлээн авч уулзан Дархан-Уул аймагт баригдах шинэ эмнэлгийн төслийн талаар санал солилцоо.

Аймгийн Засаг даргын орлогч Б.Жавхлангаар ахлуулсан баяр наадмыг зохион байгуулах комисс, салбар хороод наадмын бэлтгэл ажлыг ханган ажиллаж байна. Комиссынхон өнөөдөр /2023.07.03/ баяр наадмын нээлт, хаалтын үйл ажиллагааг зохион байгуулах салбар хорооны бэлтгэл ажилтай танилцаж үүрэг чиглэл өглөө.

Аймгийн ИТХ-ын даргыгн 2023 оны 06 дугаар сарын 26-ны өдрийн А/12 дугаар захирамжаар аймгийн ИТХ-ын 8 дахь удаагийн сонгуулийн ээлжит 17 дугаар хуралдааныг зарлан хуралдуулахаар болсны дагуу аймгийн ИТХ-ын Зөвлөл дахин /2023.07.03/ хуралдлаа.

Өнөөдөр болсон удирдах ажилтны зөвлөгөөнөөр аймгийн Засаг дарга хэлтэс агентлагийн удирдлагуудад хэд хэдэн чиглэлээр үүрэг даалгавар өгч, зарим шийдвэрийг танилцууллаа.

Тулгар төрийн 2232 жил, Их Монгол Улс байгуулагдсаны 817 жил, Үндэсний эрх чөлөө, Тусгаар тогтнолоо сэргээн мандуулсны 112 жил, Ардын хувьсгалын 102 жилийн ой, Дархан хот байгуулагдсаны 62 жилийн ой, Үндэсний их баяр наадмыг Дархан-Уул аймаг 7 дугаар сарын 09-өөс 11-нд, Харин Орхон болон Шарын гол сум 7 дугаар сарын 10, 11-нд тус тус тэмдэглэнэ.

2023 оны 07 дугаар сарын 03-07-ны өдөр хүртэл аймгийн нийт нутгаар үргэлжилсэн усархаг бороо орох төлөвтэй байна.

Дундговь аймгийн иргэдийн Төлөөлөгчдийн Хурлаас санаачлан зохион байгуулсан аймаг, нийслэлийн ИТХ-ын дарга нарын нэрэмжит цомын эзэн шалгаруулах хүүхдийн шатрын тэмцээн 2023 оны 06 дугаар сарын 29-ны өдрөөс 7 дугаар сарын 01-ны өдрүүдэд үргэлжилж амжилттай өндөрлөлөө. Тэмцээнд Дундговь, Дархан-Уул, Орхон, Өмнөговь, Сүхбаатар аймгуудын 80 гаруй шатар хүүхдүүд оролцож оюун ухаанаа уралдууллаа.

Гурав хоногийн турш үргэлжилсэн тус форумаар: - Байгальд ээлтэй ногоон бизнес, - Монгол улсын тогтвортой хүнсний тогтолцоо, - Тогтвортой аялал жуулчлал, - Ногоон эдийн засгийг сэргээх, орон нутгийн эдийн засгийг сайжруулах, - Эко аж үйлдвэрийн паркуудыг төлөвлөх, хөрөнгө оруулалт хийх бизнесийн жишээ, - Нүүрс төрөгчийн зах зээлд оролцох оролцоог нэмэгдүүлэх зэрэг өргөн хүрээтэй чухал сэдвээр форумд оролцогчид ярилцаж, олон шийдлийг гаргаж аймаг орон нутаг эхнээсээ гадны хөрөнгө оруулагчидтай зарим салбарт хамтран ажиллах санамж бичиг байгууллаа. Форумын цаашдын олон бодит үр дүн Дарханы эдийн засаг, нийгмийн хөгжилд ахиц дэвшил авчирна гэдэгт илтгэлтэй байгааг форумд оролцогчид онцолж байлаа.

Нээлттэй Дархан-Тогтвортой ногоон санхүүжилт хөрөнгө оруулалтын форум манай аймагт 3 дахь өдрөө амжилттай үргэлжилж байна.

Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт болон, шатлан дэвшүүлэх, сонгон шалгаруулах журам”-ын 12.1, 12.3 дахь заалт, шалгалтын комиссын саналыг тус тус үндэслэн Төрийн албаны зөвлөлийн Дархан-Уул аймаг дахь салбар зөвлөлөөс гарсан Нэр дэвшүүлэх тухай тогтоолыг 16 иргэнд өнөөдөр /2023.06.30/ гардуулан өглөө. .